ԵՐԵՎԱՆ, 3 հուլիսի – Sputnik. Հայաստանի բասկետբոլի ազգային հավաքականը դարձավ Եվրոպայի փոքր երկրների առաջնության չեմպիոն, հայտնում են Բասկետբոլի ֆեդերացիայից։
Մեր երկիրը ներկայացնող հավաքականը եզրափակչում 84:68 հաշվով առավելության հասավ Մալթայի նկատմամբ և դարձավ առաջնության չեմպիոն:
Հանդիպման ամենաարդյունավետ խաղացող է ճանաչվել Քրիս Ջոնսը: Նա վաստակել է 41 միավոր, 10 անգամ տիրել օղակից անդրադարձող գնդակին և կատարել 6 արդյունավետ փոխանցում:
Մալթայում ացկացվող փոքր երկրների Եվրոպայի առաջնությունը մոտեցավ ավարտին:
Եվրոպայի փոքր երկրների առաջնությանը մասնակցում էին Հայաստանը, Անդորրան, Ադրբեջանը, Մալթան, Ջիբրալթարը, Սան Մարինոն։