Դեռևս շարունակվում է ամառային զորակոչը։ Այս շաբաթ էլ պարտադիր ծառայության անցնող տղաները Հանրապետական կենտրոնական հավաքակայան մասնակցել են վիճակահանությանը։
Արցախյան 44-օրյա պատերազմում զոհված զինծառայողների հարազատներն էլ գլխավոր դատախազության շենքի մոտ կրկին բողոքի ակցիա են անցկացրել` պահանջելով հանդիպում Արթուր Դավթյանի հետ, նաև որպեսզի իրենց քրեական գործը Քննչական կոմիտեից տեղափոխվի Ազգային անվտանգության ծառայություն։
«Դիմադրություն» շարժման անդամներն ու նրանց կողմնակիցները բողոքի ակցիա են իրականացրել Ազգային ժողովի դիմաց։ Նրանք իրենց հետ պաստառներ էին բերել, որոնց վրա գրված էր` «Հայկական Բերձոր»։ Այլ ցուցարարներ էլ կառավարության շենքի մոտ էին իրենց բողոքն արտահայտել ու գրիչներ շպրտել։
Գյումրիում անցկացվել է Tech week 2022 շաբաթը, իսկ Երևանում` «Ռուսաստանի և Արևմուտքի դիմակայությունն Ուկրաինայում և նրա ազդեցությունը հետխորհրդային տարածքի վրա» կլոր սեղանը։
Շաբաթը եզրափակվել է հիշարժան ու տպավորիչ համերգով` 50 cent–ն առաջին անգամ Երևանում էր։ Նա ելույթ է ունեցել իր բազմահազարանոց երկրպագուների համար ու խոստացել, որ կրկին կվերադառնա։