Քանոնահարներ, շքեղ ձևավորում. Սամվել Ալեքսանյանի դստեր հարսանեկան արարողությունն է

Լուսին Ալեքսանյանը հրապարակել է զվարճալի տեսանյութ, որում երևում է` ինչպես է փեսան եկեղեցի գնալու ճանապարհին կարկանդակներ ուտում։
Sputnik
ԵՐԵՎԱՆ, 2 հուլիսի – Sputnik. Այսօր գործարար Սամվել Ալեքսանյանի դստեր` Լուսին Ալեքսանյանի հարսանեկան արարողությունն է։
Լուսինի ընտրյալը Մովսես Խորենացու անվան համալսարանի ռեկտոր, ֆիզիկամաթեմատիկական գիտությունների թեկնածու, դոցենտ Արթուր Աղաբաբյանի որդին է` Արմեն Աղաբաբյանը։ Նրանք նշանադրվել են այս տարվա ապրիլին։
Լուսինն իր ինստագրամյան էջում տեսանյութ է հրապարակել, որում հայրական տանն է` սպասում է փեսայի գալուն։ Տունը բավական շքեղ է ձևավորված։
Նորահարսը նաև բազմաթիվ «սթորիներ» է հրապարակել, ինչից պարզ է դառնում, որ պսակադրությունը տեղի է ունեցել Մուղնու Սուրբ Գևորգ եկեղեցում։ Նորապսակներին դիմավորել են ազգային երաժշտությամբ` քանոնահարների կատարմամբ։ «Սթորիներից» մեկում երևում է, թե ինչպես է փեսան եկեղեցի գնալու ճանապարհին կարկանդակներ ուտում։
Ի դեպ, գործարար Սամվել Կարապետյանն էլ զույգի քավորն է։ Լուսինի «սթորիներից» մեկում երևում է` ինչպես է Կարասպետյանի կինը` Էթերին, հարսի քողը պտտեցնում հարսի գլխի վրայով։
Սամվել Ալեքսանյանը կնոջ հետ Հնդկաստանում հարսանիքի է մասնակցել. տեսանյութ
Նշենք, որ հարսանեկան խնջույքի արարողությունը տեղի է ունենալու «Դվին» ռեստորանային համալիրոմ։
Սամվել Ալեքսանյանն ու կինը` Շողերինա Մկրտչյանը, 7 երեխա ունեն։