ԵՐԵՎԱՆ, 1 հուլիսի – Sputnik. Պրոֆեսիոնալ բռնցքամարտիկ Էրիկ Բազինյանը, որը բնակվում ու մարզվում է Կանադայում, այլևս չի ներկայացնի Հայաստանը: Մարզիկն այս մասին հայտնել է «Ֆեյսբուքի» իր էջում։
Նա նշել է, որ 28 պրոֆեսիոնալ մենամարտերում հաղթելուց, WBO վարկածի մինչև 24 տարեկանների աշխարհի չեմպիոն լինելուց, մշտապես ՀՀ դրոշը բարձր պահելուց հետո, շարունակական արհամարհանք ու մերժում է ստացել երկրի կողմից։
«Ափսոս,որ չգնահատվեցի իմ իսկ երկրի կողմից և մնացի հետախուզման մեջ գտնվող անձ»,- գրել է նա։
Նշենք, որ Բազինյանը 16 տարեկանից ապրում է Կանադայում և չի ծառայել ՀՀ ԶՈւ-ում: Դա է պատճառը, որ նա հետախուզման մեջ է։ Նա բազմիցս խնդրել է ՀՀ իշխանություններին վերանայել այդ որոշումը, որպեսզի կարողանա հայրենիք վերադառնալ։
Նշենք, որ Էրիկ Բազինյանն ամուսնացած է, ունի մեկ որդի։