ԵՐԵՎԱՆ, 29 հունիսի – Sputnik. Երևանի Ֆանարջյան փողոցում շինարարական աշխատանքներ իրականացնելիս արկ է հայտնաբերվել։
ԱԻՆ–ը հայտնում է, որ այսօր 14:13-ին Ճգնաժամային կառավարման ազգային կենտրոնում ահազանգ է ստացվել, թե այդ փողոցում ռումբ կա։
Դեպքի վայր մեկնած մասնագիտացված խմբերը Ֆանարջյան փողոցի թիվ 48/1 հասցեի մոտակայքում արձանագրել են կորոզիայի ենթարկված 125 մմ տրամաչափի արկ՝ առանց պայթուցիչի։
Ռազմամթերքը տեղափոխվել է զորավարժարան՝ հետագա ոչնչացման նպատակով։