ԵՐԵՎԱՆ, 28 հունիսի – Sputnik. Ռուսաստանի ԱԳՆ–ն ընդլայնել է ամերիկյան անցանկալի անձանց ցանկը ևս 25-ով։ Այս մասին հայտնում է ՌԴ ԱԳՆ–ն։
«ՌԴ քաղաքական և հասարակական գործիչների դեմ ԱՄՆ անդադար ընդլայնվող պատժամիջոցներին ի պատասխան ստոպ-ցանկում ներառվում են ԱՄՆ 25 քաղաքացիներ, որոնք պատասխանատու են սենատորների ռուսատյաց ուղղության ձևավորման համար, հակառուսական սահմանափակումների վերաբերյալ խորհուրդների մշակմամբ զբաղվող այսպես կոչված «Մաքֆոլ–Երմակ» խմբի մասնակիցները, ինչպես նաև նախագահ Ջո Բայդենի ընտանիքի անդամները», – ասվում է ԱԳՆ–ի հայտարարության մեջ։
Պատժամիջոցների տակ է հայտնվել ԱՄՆ նախագահի կինը` Ջիլ Բայդենն ու նրանց դուստրը` Էշլի Բայդենը։