«ԼԺՀ-ի Լիսիչանսկի նավթավերամշակման գործարանից 3 կմ հեռավորության վրա հունիսի 26-ին տեղի ունեցած մարտերի ընթացքում ՌԴ ստորաբաժանումները ոչնչացրել են ընդհանուր 14 զինյալներով վարձկանների երկու դիվերսիոն-հետախուզական խումբ։ Առաջին խումբն «ինտերնացիոնալ» էր, բաղկացած եվրոպական տարբեր պետությունների քաղաքացիներից։ Երկրորդում վարձկաններ կային միայն Վրաստանից, որոնք այսպես կոչված «վրացական լեգեոնի» անդամներ էին»,- ասվում է հաղորդագրության մեջ։
«Դոնբասի տարածքի ազատագրման հարցում ռուսական բանակի հաջողությունների ֆոնին ուկրաինական հրամանատարությունը փորձում է Լիսիչանսկի շրջանում կասեցնել ուկրաինական ստորաբաժանումների զինծառայողների քաոսային փախուստը։ Այսպես, ՈւԶՈւ 72-րդ մեքենայացված բրիգադի առաջին գումարտակի անձնակազմին դիրքերում պահելու համար Վոլչեյարովկա բնակավայրի մոտ էր ուղարկվել «Պրավի սեկտոր» նացիստական խմբավորման արգելափակիչ ջոկատը։ ՌԴ հրետանին ոչնչացրել է տվյալ ստորաբաժանումը»,- ասվում է ՌԴ ՊՆ-ի ամփոփագրում։