ԵՐԵՎԱՆ, 26 հունիսի – Sputnik. Ծնվել է երգչուհի Սիրուշոյի և Լևոն Քոչարյանի դուստրը, հայտնում է Armdaily.am-ը։
Զույգն այս պահին ԱՄՆ-ում է, որտեղ էլ լույս աշխարհ է եկել նրանց երրորդ երեխան։
Ընտանիքում սպասվող համալրման մասին Սիրուշոն հայտնել էր մարտ ամսին։ Երգչուհին, խոսելով դստերն արտերկրում լույս աշխարհ բերելու մասին, նշել էր, որ այլ կերպ ուղղակի հնարավոր չէ, չխոսելով բժշկական նրբությունների ու անձնական պատճառների մասին։
Հիշեցնենք, որ Սիրուշոն ՀՀ երկրորդ նախագահ Ռոբերտ Քոչարյանի կրտսեր որդու՝ Լևոն Քոչարյանի կինն է։ Նրանք ունեն երկու որդի, որոնք ևս ծնվել են ԱՄՆ-ում։
Վերջերս նա տեսանյութ էր հրապարակել սոցցանցերում` հերքելով այն խոսակցությունները, թե իր զավակներին փոխնակ մայրն է լույս աշխարհ բերում։