Պատանիների Եվրոպայի առաջնությունում ձյուդոյիստ Գոռ Կարապետյանը արծաթե մեդալ է նվաճել

ԵՐԵՎԱՆ, 26 հունիսի – Sputnik. Խորվաթիայի Պորեկ քաղաքում կայացած պատանիների Եվրոպայի առաջնությունում հայ մարզիկ Գոռ Կարապետյանը արծաթե մեդալ է նվաճել։ Տեղեկությունը հայտնում է Հայաստանի ձյուդոյի ֆեդերացիան։

«Մրցման երրորդ օրը 81 կգ քաշային կարգում հանդես եկող Երևանի օլիմպիական հերթափոխի պետական մարզական քոլեջի սան Գոռ Կարապետյանը, տանելով 4 հաղթանակ, գրավեց 2-րդ մրցանակին տեղը՝ նվաճելով արծաթե մեդալ»,–նշված է հաղորդագրության մեջ։

Նշենք, որ Գոռ Կարապետյանի մարզիչը Վահե Թորոսյանն է։