ԵՐԵՎԱՆ, 26 հունիսի – Sputnik. Այսօր խոշոր ավտովթար է տեղի ունեցել Տավուշի մարզում, բախվել են 3 ավտոմեքենա, կան տուժածներ, հայտնում է ԱԻՆ մամուլի ծառայությունը։
Նշվում է, որ այսօր` ժամը 17։26-ին Տավուշի մարզային ճգնաժամային կառավարման կենտրոն ահազանգ է ստացվել, որ Դիլիջան-Իջևան ավտոճանապարհին տեղի է ունեցել ՃՏՊ․ անհրաժեշտ է փրկարարների օգնությունը։
Shamshyan.com–ն էլ գրում է, որ բախվել են «Lexus», «Mitsubishi Grandis» և «Nissan Tiida» մակնիշի ավտոմեքենաները, վթարի հետևանքով 5 հոգի, որոնցից 1-ը ծայրահեղ ծանր, տարբեր աստիճանի մարմնական վնասվածքներով տեղափոխվել են «Դիլիջան» բժշկական կենտրոն:
Ոստիկանությունը պարզում է վարորդների և վիրավորների ինքնությունը: