ԵՐԵՎԱՆ, 24 հունիսի – Sputnik. Խերսոնում ավտոմեքենա է պայթել, որի հետևանքով մահացել է մարզի ռազմաքաղաքացիական վարչակազմի ներկայացուցիչը։ Իշխանությունները կատարվածը ահաբեկչական գործողություն են որակում։ Տեղեկությունը հայտնում է ՌԻԱ Նովոստին՝ հղում անելով տարածաշրջանի ռազմաքաղաքացիական վարչակազմի մամուլի ծառայությանը։
«Զոհվել է իմ գործընկերը` երիտասարդության և սպորտի վարչության ղեկավար Դմիտրի Սավուչենկոն»,–ասել է վարչակազմի ղեկավարի տեղակալ Կիրիլ Ստրեմոուսովը։
Նրա խոսքով` պայթյունը որոտացել է այն պահին, երբ Սավուչենկոն մեքենա է նստել։