ԵՐԵՎԱՆ, 22 հունիսի – Sputnik. Հայաստանում «Ռոսսոտրուդնիչեստվոյի» ներկայացուցչության աշխատակիցները և այլ կազմակերպությունների ներկայացուցիչներ, գիշերը` ժամը 4։00-ին, լամպեր են վառել, ծաղկեպսակներ ու ծաղիկներ են դրել Երևանի «Հաղթանակ» զբոսայգու անմար կրակի մոտ` ի հիշատակ Հայրենական մեծ պատերազմի մեկնարկի։
«Երևի այն ժամանակ`1941 թվականին, երբ սկսվել է Հայրենական մեծ պատերազմը, նման մութ գիշեր է եղել, ինչպես այսօր «Հաղթանակ» զբոսայգում։ Երևանը, որի վերևում վեր է խոյանում «Մայր Հայաստան» հուշարձանը, քնած էր։ Լուռ «դողում էր» անմար կրակը»,- ասվում է «Ռոսսոտրուդնիչեստվոյի» հրապարակման մեջ։
Հայրենական մեծ պատերազմին նվիրված հիշատակի ակցիա «Հաղթանակ» զբոսայգում
© Photo
Նշվում է, որ ուղիղ ժամը 4։00-ին Հաղթանակի զբոսայգում են եղել «Ռոսսոտրուդնիչեստվոյի» ներկայացուցչության, սահմանապահ վարչության, վետերանների միավորման աշխատակիցներ, հայ-ռուսական երիտասարդական միության, Հայաստանում «Դոնսկոյ ամենազոր զորքի» առանձին օկրուգի ներկայացուցիչներ, ինչպես նաև «Սահմանապահի պատանի ընկեր» ակումբի երեխաները։
2022 թվականի հունիսի 22-ին նշվում է Հայրենական մեծ պատերազմի մեկնարկի 81-րդ տարելիցի օրը: Հենց այդ օրը 1941 թվականի ամռանը Գերմանիան վաղ առավոտյան առանց պատերազմ հայտարարելու հարձակվեց Խորհրդային Միության վրա։