ԵՐԵՎԱՆ, 19 հունիսի – Sputnik. Ռուսական ընկերությունները դիտարկում են Եվրասիական տնտեսական միության երկրների շուկաներն ընդհանուր շուկայի ընդլայնման համար: Առցանց առևտրի ընկերությունների ասոցիացիայի նախագահ Արտյոմ Սոկոլովը այս տեղեկությունը հայտնել է Պետերբուրգի միջազգային տնտեսական ֆորումի ժամանակ ՌԻԱ Նովոստին տված հարցազրույցում։
«Առաջին հերթին, իհարկե, գրավիչ են Եվրասիական միության երկրները՝ Հայաստանը, Ղազախստանը, Ղրղզստանը, Բելառուսը։ Դրանց հետ մեր որոշ հարթակներ արդեն սկսել են աշխատել, ոմանք միայն աստիճանաբար են բացահայտում այդ շուկաները։ Ընդ որում՝ բացահայտումը երկկողմ է։ Եվ իրոք, նման ծրագրեր կան, ես դրանում բավական լուրջ հեռանկար եմ տեսնում»,- ասել է Սոկոլովը։
Նրա խոսքով՝ սա թիրախ է, որի վրա պետք է կենտրոնանալ, քանի որ այդ երկրներում «հասարակությունը մտածելակերպի առումով նման է մեզ ու գնահատում է Ռուսաստանից եկող ապրանքները»:
Սանկտ Պետերբուրգում հունիսի 15-18-ը տեղի է ունեցել Պետերբուրգի XXV հոբելյանական միջազգային տնտեսական համաժողովը: