ԵՐԵՎԱՆ, 17 հունիսի – Sputnik. Ռուսաստանի և Ուկրաինայի միջև բանակցությունները երբեք չի կարելի բացառել։ ՌԻԱ Նովոստիին այս մասին ասել է ՌԴ նախագահի մամուլի քարտուղար Դմիտրի Պեսկովը։
«Բայց տեղաշարժ առաջվա պես չկա»,- ընդգծել է Պեսկովը` պատասխանելով այն հարցին, թե արդյոք որևէ շարժ կա բանակցային գործընթացում, և հնարավոր է արդյոք բանակցությունների վերսկսումը։
Ավելի վաղ ԶԼՄ-ները, հղում անելով Պետդումայի միջազգային հանձնաժողովի ղեկավար Լեոնիդ Սլուցկիին, որը մասնակցում էր Ուկրաինայի հետ բանակցություններին, հաղորդել էին, որ երկխոսությունն առաջիկայում կարող է վերսկսվել:
Հիշեցնենք` ռուս-ուկրաինական բանակցությունները մեկնարկեցին փետրվարի 28-ին։ Մոսկվայի պատվիրակությունը գլխավորում էր ՌԴ նախագահի օգնական Վլադիմիր Մեդինսկին։ Բելառուսում անցկացված մի քանի հանդիպումից հետոկողմերը շփումը շարունակեցին տեսակապով:
Մարտի 29-ին բանակցություններ կազմակերպվեցին Ստամբուլում։ Ապրիլի 12-ին ՌԴ նախագահ Վլադիմիր Պուտինը լրագրողներին ասաց, որ Կիևը, հրաժարվելով Թուրքիայի հետ բանակցություններում ձեռք բերված պայմանավորվածություններից, այդ գործընթացը փակուղի է մտցրել։