ԵՐԵՎԱՆ, 17 հունիսի - Sputnik. Արևմուտքն Ուկրաինան լցնում է զենքով ու ռազմական խորհրդականներով, ագրեսիա և ռուսատյացություն սերմանելու համար փող չի խնայում։ Այս մասին հայտարարել է ՌԴ նախագահ Վլադիմիր Պուտինը։
«Արևմուտքը ոչ միայն ձգտում էր իրականացնել հակառուսական սցենարը, այլև ուկրաինական տարածքի ակտիվ ռազմականացում էր իրականացնում։ Բառացիորեն լցնում էր Ուկրաինան զենքով ու ռազմական խորհրդականներով։ Հիմա էլ է շարունակում անել դա։ Արևելքում Ռուսաստանի դեմ ուղղված ՆԱՏՕ-ի պլացդարմ ստեղծելու, ագրեսիա, ատելություն և ռուսատյացություն սերմանելու համար գումար չեն խնայել և չեն խնայում»,-ասել է Պուտինը:
ՌԴ նախագահը հայտարարել է նաև, որ Արևմուտքն անշնորհք կերպով ստիպողաբար տարածում է իր էթիկան և մշակույթը` օգտագործելով բոլոր միջոցները։ Իսկ եթե որևէ «ապստամբի» «սանձել» չի հաջողվում, նրան փորձում են մեկուսացնել, չեղարկել, «գործի են դնում ամեն ինչ, անգամ սպորտը, օլիմպիական շարժումը, մշակույթի, արվեստի գլուխգործոցների արգելքները միայն այն պատճառով, որ դրանց հեղինակները «սխալ» ծագում ունեն»։
Նշենք, որ Սանկտ Պետերբուրգում հունիսի 15-18-ը ընթանում է Պետերբուրգի XXV հոբելյանական միջազգային տնտեսական համաժողովը: