ԵՐԵՎԱՆ, 16 հունիսի – Sputnik. ՌԴ դատախազները կաջակցեն ղարաբաղյան հակամարտության գոտում տեղի ունեցող խախտումների վերաբերյալ տեղեկությունների փոխանակման ու տվյալների փոխանցման հարցում։ Այս հայտարարությունն արել է ՌԴ գլխավոր դատախազ Իգոր Կրասնովը։
Ռուսաստանի գլխավոր դատախազ Իգոր Կրասնովը հայ գործընկեր Արթուր Դավթյանի հետ հանդիպման ժամանակ (16 հունիսի, 2022 թ.)։ Սանկտ Պետերբուրգ
© Photo : Facebook / Arevik Khachatryan
ՌԴ գլխավոր դատախազության տարածած հաղորդագրության համաձայն` այդ մասին խոսվել է ՀՀ գլխավոր դատախազ Արթուր Դավթյանի հետ հանդիպմանը, որը ՌԴ է մեկնել` Պետերբուրգի համաշխարհային տնտեսական համաժողովին մասնակցելու։
Կրասնովն ընդգծել է` երբ խոսքը խաղաղության և անվտանգության վերականգնման, իրավունքների պաշտպանության և մարդու ազատության, հանցագործությունների հետաքննման մասին է, միակողմանի մոտեցում չպետք է լինի։
Անդրադառնալով Լեռնային Ղարաբաղում տիրող իրավիճակին` նա ասել է, որ ՌԴ–ն եռակողմ ձևաչափով բազմաթիվ ջանքեր է գործադրել տարածաշրջանի խաղաղությունը վերականգնելու, տեղի բնակչության շրջանում լարվածության սրացում թույլ չտալու համար։