ԵՐԵՎԱՆ, 15 հունիսի – Sputnik. ԱՄՆ-ն այսօր պատժամիջոցներ է սահմանել Ռուսաստանից, Ուկրաինայից և Շվեդիայից երեք ֆիզիկական անձանց դեմ։ Այս մասին հայտնում է ՌԻԱ Նովոստին՝ հղում անելով ԱՄՆ ֆինանսների նախարարության կայքին։
Գերատեսչության տեղեկատվության համաձայն՝ պատժամիջոցների ցուցակում են հայտնվել Շվեդիայի քաղաքացի Անտոն Տուլինը, ռուսաստանցի Ալեքսանդր Ժուկովսկին և ուկրաինացի Ստանիսլավ Շրչուկը:
ԱՄՆ Ֆինանսների նախարարությունում պնդում են, որ վերջին երկու անձինք կապ ունեն «Ռուսական կայսերական շարժում» ազգայնական կազմակերպության հետ։