ԵՐԵՎԱՆ, 15 հունիսի – Sputnik. Ուկրաինական բանակը մարտերի ընթացքում օրական կորցնում է մոտ 100 մարդ, իսկ 100-300 զինվոր էլ վիրավորվում է։ ՌԻԱ Նովոստիի փոխանցմամբ, այս մասին այսօր հայտարարել է ԱՄՆ զինված ուժերի գլխավոր շտաբի պետ Մարկ Միլին։ Միևնույն ժամանակ բարձրաստիճան զինվորականը պարզաբանել է, որ դրանք մամուլի տվյալներ են, որոնք «մոտավորապես համապատասխանում են Պենտագոնի գնահատականներին»։
«Ես չէի ցանկանա բացահայտել մեր սեփական տվյալները», - ասել է Միլին Պենտագոնի ղեկավար Լլոյդ Օսթինի հետ համատեղ մամուլի ասուլիսում։
Շտաբների կոմիտեի նախագահն ընդգծել է, որ մարտական գործողություններում զոհվածների հաշվարկը «միշտ չափազանց բարդ է», իսկ հայտարարված թվերը՝ նախնական։
«Շատ դեպքերում առաջնային տվյալները ճշգրիտ չեն։ Մահացածների ճշգրիտ թիվը պարզելու համար կարող են ամիսներ, իսկ երբեմն էլ տարիներ պահանջվել»,- ասել է ամերիկացի գեներալը։
Նշենք, որ այսօր Բրյուսելում կայացել է Կիևին ռազմական օգնություն տրամադրելու հարցով կոնտակտային խմբի երրորդ հանդիպումը։
Հիշեցնենք` փետրվարի 24-ի վաղ առավոտյան Ռուսաստանի նախագահ Վլադիմիր Պուտինը հայտարարեց, որ Ուկրաինայի նկատմամբ հատուկ ռազմական գործողության մասին որոշում է կայացրել, քանի որ ԼԺՀ-ն ու ԴԺՀ-ն դիմել են օգնության խնդրանքով։
Ուկրաինայում մարտական գործողությունները շարունակվում են արդեն 112-րդ օրը։