Պահուստներն աճել են. Հայաստանի ԿԲ–ն դոլար հավաքելու կարիք չունի

ԿԲ մակրոտնտեսական դեպարտամենտի տնօրենի խոսքով` ՀՀ արտարժույթի պահուստները բավարարում են ՀՀ արտաքին պարտավորություններին։
Sputnik
ԵՐԵՎԱՆ, 14 հունիսի – Sputnik. 2022թ–ի մարտի վերջին ՀՀ համախառն պահուստները կազմել են 2 մլրդ 940 մլն դոլար, ապրիլի վերջին` 3 մլրդ 68 մլն դոլար, մայիսի վերջին` 3 մլրդ 151 մլն դոլար։
Դոլարի կանխիկացման խնդիր ՀՀ–ում կա. վախենում են, որ դոլարը կարող է գնալ Ռուսաստան
Այսօր լրագրողների հետ հանդիպմանն այս տվյալները հայտնեց ԿԲ մակրոտնտեսական դեպարտամենտի տնօրեն Արմեն Նուրբեկյանը`միաժամանակ նշելով, որ ԿԲ–ն ներկա պահին ՀՀ ֆինանսական շուկայից էժանացած դոլար գնելու ու դրանով դոլարի փոխարժեքի անկումը դադարեցնելու խնդիր չի տեսնում։
«Մեր պահուստները բոլոր մակարդակներում բավական են ՀՀ արտաքին պարտավորությունները բավարարելու համար»,– ասաց նա։
Ինչ վերաբերում է էժանացած դոլար գնելու մասնավոր դրսևորումներին կամ ավանդները դոլարային հաշիվների փոխարկելուն, ԿԲ ներկայացուցիչը նշեց, որ դոլարիզացիայի բարձր մակարդակից ՀՀ ֆինանսական համակարգը տարիներ առաջ է ձերբազատվել, ու այսօր նման միտում չի նկատվում։
ՌԴ տնտեսության վիճակն այնքան վատ չէ, որքան սպասվում էր. ՀՀ ԿԲ-ն վերանայել է կանխատեսումը