Դիմակավորված ու նռնակով զինված տղամարդը Երևանում տարադրամի փոխանակման կետ է թալանել

Կայքին հայտնի է դարձել, թե մոտավորապես ինչքան գումար է նա տարել։
Sputnik
ԵՐԵՎԱՆ, 13 հունիսի - Sputnik. Երեկ` ժամը 22։45-ի սահմաններում, նռնակով զինված ու դիմակավորված քաղաքացին Ծարավ Աղբյուր փողոցում մտել է «Երևան Սիթիի» տարածքում գործող տարադրամի փոխանակման կետ և սպառնալիքի տակ աշխատակցից հափշտակել խոշոր չափի գումար։ Տեղեկությունը հայտնում է shamshyan.com–ը։
Նշվում է, որ դեպքի վայր են ժամանել ոստիկանության և Երևանի քննչական վարչության աշխատակիցները։
Նոր մանրամասներ «Զառա» խանութ-սրահի ավազակային հարձակումից. ՀՀ քննչական կոմիտե
Կայքի տեղեկություններով՝ դիմակավորված ու նռակով զինված տղամարդը տարադրամի փոխանակման կետից հափշտակել է մոտ 4 միլիոն 500 հազար դրամ։