ԵՐԵՎԱՆ, 12 հունիսի – Sputnik. Արագածոտնի մարզում գտնվող Արագած լեռան վրա ՌԴ քաղաքացի էր մոլորվել։
Տեղեկությունը հայտնում է ՀՀ արտակարգ իրավիճակների նախարարության մամուլի ծառայությունը։
Ահազանգը ստացվել է հունիսի 12-ին, ժամը 15:07-ին։
Նշվում է, որ 2002 թ. ծնված Մ․ Կ․–ն բարձրացել է Արագած լեռը, սակայն հեռացել է ընկերներից և մոլորվել։
Դեպքի վայր մեկնած փրկարարները ժամը 16։50-ի սահմաններում հայտնաբերել են ՌԴ քաղաքացի Մ․ Կ․-ին։