ԵՐԵՎԱՆ, 11 հունիսի – Sputnik. ՌԴ-ում Լուգանսկի Ժողովրդական Հանրապետության դեսպան Ռոդիոն Միրոշնիկը հայտնել է, որ մոտ 300-400 ուկրաինացի զինվորականներ արգելափակված են Սևերոդոնեցկի «Ազոտ» գործարանում:
«Նրանք արգելափակվել են առաջին քիմկոմբինատի մոտ։ Այնտեղ կարող են նաև շուրջ 500 խաղաղ քաղաքացիներ լինել, որոնք թաքնվել են ռմբակոծություններից»,- գրել է Միրոշնիկը իր Telegram-ալիքում։
Նա նշել է, որ գրոհայինները փորձում են պահանջներ ներկայացնել։ Նրանք ցանկանում են քիմիական կոմբինատի տարածքից դուրս գալ պատանդների հետ և ուզում են, որ միջանցք ապահովվի Լիսիչանսկ անցնելու համար, բայց այդ պահանջներն անընդունելի են ու չեն քննարկվելու։
Այդուհանդերձ, գրոհայինների հետ կապ է հաստատվել, բանակցում են գործարանի տարածքից խաղաղ քաղաքացիներին դուրս բերելու շուրջ։ Եթե ազատ արձակեն պատանդներին ու դադարեցնեն դիմադրությունը, նրանց հանդեպ համարժեք վերաբերմունք կցուցաբերվի` միջազգային պահանջներին համապատասխան։
Հիշեցնենք` փետրվարի 24-ի վաղ առավոտյան Ռուսաստանի նախագահ Վլադիմիր Պուտինը հայտարարեց, որ Ուկրաինայի նկատմամբ հատուկ ռազմական գործողության մասին որոշում է կայացրել, քանի որ ԼԺՀ-ն ու ԴԺՀ-ն դիմել են օգնության խնդրանքով։
Ուկրաինայում մարտական գործողությունները շարունակվում են արդեն 108-րդ օրը։