Հայաստանի ազգային հավաքականը հասել է Լեհաստան

ԵՐԵՎԱՆ, 9 հունիսի - Sputnik. Հայաստանի ազգային հավաքականը ժամանեց Լեհաստանի Լոձ քաղաք, որտեղ Ազգերի Լիգայի Բ լիգայի առաջին խմբի երրորդ տուրի շրջանակում կմրցի Ուկրաինայի ընտրանու հետ։

Տեղեկությունը հայտնում են Հայաստանի ֆուտբոլի ֆեդերացիայից։

Հավաքականը կհանգրվանի «Վիեննա Հաուս Անդելս Լոձ» հյուրանոցում:

Հավաքականի 28 ֆուտբոլիստները Լոձ են մեկնել Գլազգոյից։

Հիշեցնենք, որ Ուկրաինա-Հայաստան հանդիպումը կկայանա հունիսի 11-ին և կսկսվի Երևանի ժամանակով ժամը 17:00-ին: