ԵՐԵՎԱՆ, 8 հունիսի – Sputnik. Որոշակի առաջընթաց է արձանագրվել սևծովյան նավահանգիստներից հացահատիկի դուրսբերման հարցում, քննարկում պահանջող տեխնիկական մանրուքներ են մնացել։ Այս մասին, Anadolu գործակալության փոխանցմամբ, ասել է Թուրքիայի ազգային պաշտպանության նախարար Հուլուսի Աքարը։
«Ձգտում ենք հնարավորինս արագ հարցի վերաբերյալ արդյունք ստանալ։ ՌԴ-ի և Ուկրաինայի հետ երկխոսություն ենք պահպանում, քննարկումներ անցկացնում ՄԱԿ-ի հետ։ Որոշակի առաջընթաց արձանագրվել է։ Մնացել են որոշ տեխնիկական հարցեր, որոնք դեռ քննարկվում են։ Մասնավորապես, ինչպե՞ս է գործելու միջանցքը։ Ո՞վ և ինչպե՞ս է մաքրելու (նավահանգիստները) ականներից։ Ո՞ր նավերն են ուղեկցելու բեռները»,- նշել է նա։
Թուրքիայում ուկրաինական հացահատիկի դուրսբերման հարցով բանակցությունների անցկացման հավանականությունը մեկնաբանելիս` Աքարն ասել է, որ հնարավոր են հանդիպումներ։