ԵՐԵՎԱՆ, 8 հունիսի – Sputnik. ԱՄՆ պետքարտուղարի ժողովրդավարության, մարդու իրավունքների և աշխատանքի հարցերով օգնական Կարա Մաքդոնալդը հունիսի 8-9-ը կայցելի Հայաստան։ Այս մասին հայտնում են Երևանում ԱՄՆ դեսպանատան մամուլի ծառայությունից։
Նշվում է, որ այցի ընթացքում նախատեսվում է քննարկել մարդու իրավունքների պաշտպանության հարցերը։
«Մաքդոնալդը հունիսի 8-9-ը կայցելի Հայաստան, որտեղ կհանդիպի իշխանության ներկայացուցիչների և ժողովրդավարության, խոսքի ազատության և մարդու իրավունքների հարցերով զբաղվողների հետ»,- ասվում է զեկույցում։
Դեսպանությունն ասել է, որ Միացյալ Նահանգները հավատարիմ է Հայաստանի հետ երկկողմ համագործակցության ամրապնդմանը` հիմնված ընդհանուր արժեքների վրա, ներառյալ մարդու իրավունքները և հիմնարար ազատությունները: