ԵՐԵՎԱՆ, 6 հունիսի – Sputnik. ԱՊՀ երկրները ծրագրում են մոտ ժամանակներում սկսել Հայրենական մեծ պատերազմի պատմության միասնական ուսումնական ձեռնարկների նախապատրաստումը: Այս մասին «Ռոսիյսկայա գազետա»-ին հայտնել Է ՌԴ Անվտանգության խորհրդի քարտուղարի տեղակալ Ռաշիդ Նուրգալիևը։
Նրա խոսքով՝ ԱՊՀ երկրների համար դասագրքերն ու ուսումնական դասընթացները, որոնք ֆինանսավորվում են Վաշինգտոնի կողմից, «չափազանց այլասերված պատկերացում են տալիս ԽՍՀՄ պատմության, Կենտրոնական Ասիայի և Անդրկովկասի պետությունների զարգացման գործում Ռուսաստանի դերի մասին»։
«Մենք հասկանում ենք այդ ամենը և մտադիր ենք ԱՊՀ շրջանակում համատեղ զարգացնել հումանիտար համագործակցությունը, ներառյալ ընդհանուր պատմամշակութային ժառանգության և մարդասիրական արժեքների պահպանման հարցերը»,- ասել է նա:
Նուրգալիևն ընդգծել է, որ մոտ ժամանակներում ԱՊՀ երկրները ծրագրում են սկսել Հայրենական մեծ պատերազմի պատմության միասնական ուսումնական ձեռնարկների նախապատրաստումը: