«Ինքս երեք սարք եմ ձեռք բերել` ծախսելով 450 000 դրամ, հիմա պետք է ևս 450 000 դրամով ձեռք բերեմ երեք նորը։ Սա բացահայտ կոռուպցիա է, ՀՀ բոլոր տնտեսվարողների նկատմամբ բացահայտ կեղծարարություն։ Վարչարարությամբ, տուգանքներով, ստիպողաբար տնտեսվարողներին պարտադրեցին գնել նոր ՀԴՄ-ները։ Հիմա, երբ հուլիսի 1-ից ուժի մեջ է մտնելու անկանխիկ գործարքների մասին օրենքը, և բոլոր տնտեսվարողներն իրենց խանութներում պետք է պարտադիր ունենան նոր ՀԴՄ-ներ, զանգահարում ենք բանկեր և խնդրում ակտիվացնել POS տերմինալը, սակայն մեզ ասում են, որ ԿԲ-ից ունեն ներքին կարգադրություն` այլևս չակտիվացնել հեղափոխությունից առաջ ներկրված ՀԴՄ-ների POS տերմինալները»,- մանրամասնեց Գրիգորյանը։
«Մենք կդիմենք, սակայն բանկերը նախկինում ձեռք բերված ՀԴՄ-ների վրա չեն ակտիվացնի POS տերմինալը, այդ դեպքում, չենք ունենա անկանխիկ գործարքներ իրականացնելու հնարավորություն, և եթե հանկարծ մեզ տուգանեն, կամ մեր նկատմամբ կիրառվի վարչարարություն, անպայման կդիմենք դատարան»,- ասաց գործարարը։