ԵՐԵՎԱՆ, 1 հունիսի - Sputnik. Ռուս-հայկական հումանիտար նախաձեռնությունների աջակցման և զարգացման «Ժառանգություն և առաջընթաց» հիմնադրամի և Արցախի մարդու իրավունքների պաշտպանի աշխատակազմի համագործակցությամբ այսօր Ստեփանակերտում կազմակերպվել է միջոցառում Երեխաների պաշտպանության միջազգային օրվա առթիվ։
Միջոցառման ընթացքում տաղավար են այցելել մուլտհերոսներ, կազմակերպվել է քաղցրավենիքներով հյուրասիրություն:
Մասնակցել են ավելի քան 700 երեխաներ՝ 44-օրյա պատերազմի հետևանքով բռնի տեղահանված ընտանիքներից, Ստեփանակերտի երեխաների խնամքի և պաշտպանության գիշերօթիկ հաստատությունից, Արցախի ռուսական համայնքից, ինչպես նաև Քերոլայն Քոքսի անվան վերականգնողական կենտրոնից։
Միջոցառման ընթացքում տաղավար են այցելել մուլտհերոսներ, կազմակերպվել է քաղցրավենիքներով հյուրասիրություն:
«Արցախի երեխաների՝ հատկապես բռնատեղահանված երեխաների հոգեբանական կայունության վերականգնման համար խիստ անհրաժետ են նման միջոցառումները, որոնք գոնե մի քանի ակնթարթ հեքիաթային առօրյա են պարգևում երեխաներին։ Ցավոք սրտի պատերազմի հետևանքները ամենաբացասական ազդեցությունն ունենում են հենց երեխաների վրա, ու յուրաքանչյուրիս պարտականությունն է մեր գործողություններով թև ու թիկունք լինել մեր երեխաներին, անել այնպես, որ հաղթահարեն պատերազմի թողած վերքերն ու վայելեն անհոգ մանկություն», - ասել է Արցախի Հանրապետության մարդու իրավունքների պաշտպան Գեղամ Ստեփանյանը։
Միջոցառման ընթացքում տաղավար են այցելել մուլտհերոսներ, կազմակերպվել է քաղցրավենիքներով հյուրասիրություն:
Հիմնադրամի համահիմնադիր, հոգաբարձուների խորհրդի անդամ Արթուր Սողոմոնյանն իր հերթին նշել է.
«Մենք իսկապես ուզում ենք, որ Արցախի մանուկները զգան, որ իրենց մասին հոգ են տանում և սիրում են իրենց։ Տա Աստված, որ իրենք այլևս երբեք կյանքում կորուստներ և պատերազմներ չվերապրեն»։
Միջոցառման ընթացքում տաղավար են այցելել մուլտհերոսներ, կազմակերպվել է քաղցրավենիքներով հյուրասիրություն: