ԵՐԵՎԱՆ, 30 մայիսի – Sputnik. Եվրոպայի բռնցքամարտի առաջնության 86 կգ քաշային կարգում փոխչեմպիոն դարձավ 20-ամյա Ռաֆայել Հովհաննիսյանը։
Եզրափակիչում նրան հաղթեց Վրաստանի ներկայացուցիչ Գեորգի Կուշինաշվիլին։
Հիշեցնենք, որ այս առաջնությունում Հայաստանի միակ ոսկե մեդալը նվաճեց 63,5 կգ քաշային Հովհաննես Բաչկովը։
57 կգ քաշային կարգում Արթուր Բազեյանը դարձավ արծաթե մեդալակիր։
Հիշեցնենք` Եվրոպայի բռնցքամարտի առաջնության բացման հանդիսավոր արարողությունը կայացավ մայիսի 22-ին Երևանի Կարեն Դեմիրճյանի անվան մարզահամերգային համալիրում։
Առաջնությանը մասնակցում են 39 երկիր ներկայացնող ավելի քան 200 մարզիկներ։ Եվրոպայի առաջնության ընդհանուր մրցանակային ֆոնդը կազմում է 260 հազար դոլար: