ԵՐԵՎԱՆ, 30 մայիսի – Sputnik. ՌԴ անվտանգության խորհրդի փոխնախագահ Դմիտրի Մեդվեդևը խելամիտ է անվանել Ամերիկայի Միացյալ Նահանգների նախագահ Ջո Բայդենի որոշումը։ Մեդվեդևը գրառում է արել Telegram–ում։
«Բայդենը հայտարարել է, որ ԱՄՆ-ն Ուկրաինային հրթիռային այնպիսի համակարգեր չի մատակարարի, որոնք կարող են հարվածներ հասցնել Ռուսաստանին։ Խելամիտ է։ Այլապես մեր քաղաքներին հարված հասցնելու դեպքում ՌԴ ԶՈւ–ն կկատարեր իր սպառնալիքն ու կհարվածեր այդ հանցագործ որոշումների ընդունման կենտրոններին։ Դրանց մի մասն ամենևին էլ Կիևում չի գտնվում։ Թե ինչ կլիներ հետո, բացատրելու կարիք չկա», – գրել է նա։
Հիշեցնենք` ԱՄՆ նախագահի հայտարարությունը հնչել է Ուկրաինա ամերիկյան համազարկային կրակի ռեակտիվ համակարգեր ուղարկելու հաղորդագրությունների ֆոնին։
Հիշեցնենք` փետրվարի 24-ի վաղ առավոտյան Ռուսաստանի նախագահ Վլադիմիր Պուտինը հայտարարեց, որ Ուկրաինայի նկատմամբ հատուկ ռազմական գործողության մասին որոշում է կայացրել, քանի որ ԼԺՀ-ն ու ԴԺՀ-ն դիմել են օգնության խնդրանքով։ Հատուկ գործողության նպատակը Ուկրաինայի ապառազմականացումն է ու ապազգայնականացումը, ինչպես նաև նրան չեզոքության մղելը։
Ուկրաինայում մարտական գործողություններն ընթանում են արդեն 96-րդ օրը։