ԵՐԵՎԱՆ, 30 մայիսի – Sputnik. ՀՀ երկրորդ նախագահ Ռոբերտ Քոչարյանի որդին` Լևոն Քոչարյանը, անհնազանդության ակցիայի ժամանակ լրագրողների հետ զրույցում վստահեցրեց, որ ինքը որևէ պաշտոնի չի հավակնում։
Հայտնել էինք, որ «Դիմադրություն» շարժման մասնակիցները ՀՀ կառավարության երրորդ մասնաշենքի մոտ են։
«Ես որևէ պաշտոնի չեմ հավակնում։ Եթե մեր շարժումը հաջողի, չեմ ուզում և պլանավորում որևէ պաշտոն ստանալ։ Ինչ վերաբերում է Երևանի քաղաքապետի ընտրություններին, ապա դա հաջորդ տարվա սեպտեմբերին է, ես այդ մասին քննարկում չեմ ունեցել ո՛չ ընտանիքում, ո՛չ դաշինքում»,–ասաց Լևոն Քոչարյանը։
Հավելենք, որ ընդդիմադիր պատգամավորները սպասում են, որպեսզի ոստիկանները ներս թողնեն շենք։ Այս շենքում են գտնվում աշխատանքի և սոցիալական հարցերի, առողջապահության, տարածքային կառավարման և ենթակառուցվածքների, շրջակա միջավայրի նախարարությունները։
Պատգամավորներն ուզում են նախարարների տեսակետն իմանալ իրենց առաջարկած հայ–ադրբեջանական և հայ–թուրքական հարաբերությունների հայտարարության առնչությամբ։