ԵՐԵՎԱՆ, 25 մայիսի - Sputnik. Ռուսաստանի տնտեսությունն ավելի լավ դինամիկա ունի, քան կանխատեսվում էին որոշ փորձագետներ։ Տեղեկությունը հայտնել է Ռուսաստանի նախագահ Վլադիմիր Պուտինը Պետական խորհրդի նախագահության՝ սոցիալական հարցերով նիստում։
«Նման քաղաքականության ազդեցությունը ոչ միայն սոցիալական բնույթ ունի, այլև տնտեսական չափում։ Մեր ընդունած որոշումները ծառայում են ներքին պահանջարկին և, ինչը կարևոր է՝ առավելապես հայրենական արտադրանքին։ Արդյունքում, մեր տնտեսությունն ավելի լավ դինամիկա ունի, քան կանխատեսվում էին որոշ փորձագետներ։ Իսկ դա նշանակում է, որ նոր արտադրություններ ու աշխատատեղեր են բացվելու»,- ասել է Պուտինը։
Հիշեցնենք` փետրվարի 24-ի վաղ առավոտյան Ռուսաստանի նախագահ Վլադիմիր Պուտինը հայտարարեց, որ Ուկրաինայի նկատմամբ հատուկ ռազմական գործողության մասին որոշում է կայացրել, քանի որ ԼԺՀ-ն ու ԴԺՀ-ն դիմել են օգնության խնդրանքով։
Փետրվարի 21-ից ի վեր, երբ Վլադիմիր Պուտինը հայտարարեց ԼԺՀ-ն ու ԴԺՀ-ն ճանաչելու որոշման մասին, ԱՄՆ-ն, Եվրամիությունն ու Արևմուտքի շատ երկրներ պատժամիջոցների շարք սկսեցին Ռուսաստանի դեմ։ Պատժամիջոցներն առնչվում են բանկային ոլորտին, ավիացիային, տնտեսության տարբեր ճյուղերին, կապի ոլորտին և անգամ մշակույթին ու սպորտին։
Ուկրաինայում մարտական գործողություններն ընթանում են արդեն 91-րդ օրը։