ԵՐԵՎԱՆ, 23 մայիսի – Sputnik. Վլադիվոստոկի ծովածոցում 2 նավ են բախվել, հայտնում է ՌԻԱ Նովոստին՝ հղում անելով ծովային փրկարար ծառայության Պրիմորիեյի մասնաճյուղի տնօրեն Իվան Ագարևսկուն։
Նշվում է, որ բախման հետևանքով նավթամթերքի արտահոսք է տեղի ունեցել, սակայն այն արդեն հավաքել են։
«Վնասվել է բեռնատար նավը, որից հետո նավթամթերքի արտահոսք է եղել, որն արդեն լիկվիդացվել է, տուժածներ չկան, երկու նավն էլ ջրի երեսին են»,- նշված է հաղորդագրության մեջ։
Պատահարի այլ մանրամասները չեն նշվում։