ԵՐԵՎԱՆ, 21 մայիսի – Sputnik. Նախորդ տարի Ադրբեջանը պետբյուջեից մոտ 5 մլրդ մանաթ կամ շուրջ 3 մլրդ դոլար է ուղղել պաշտպանության և ազգային անվտանգության համար։ Այս մասին հայտնում է ՌԻԱ Նովոստին, հղում անելով հանրապետության 2021 թվականի պետբյուջեի կատարման մասին հաշվետվությանը։
«Նախորդ տարի պաշտպանության և ազգային անվտանգության համար պետբյուջեի միջոցներից 17.8 տոկոս կամ 4 885,5 մլն մանաթ է ուղղվել (2 873,8 մլն դոլար,–խմբ.)»,–ասվում է փաստաթղթում։
Նշվում է, որ վերջին հինգ տարվա ընթացքում (2017 – 2021 թթ.) Ադրբեջանի պաշտպանության, ազգային անվտանգության, դատական իշխանության, իրավական մարմինների և դատախազության ծախսերն աճել են 2 775,7 մլն մանաթով (1 632,8 մլն դոլար – խմբ.) կամ 1,7 անգամ։