«Ներկայացված վիճակագրական որոշակի տեղեկատվությունը հիմնականում վերաբերում է առևտրային կազմակերպությունների արտադրած մսի ծավալներին, ինչը, սակայն, չի կազմում համապետական ամբողջ պատկերը»,- ասաց Տեր-Իսահակյանը։
«Էկոնոմիկայի նախարարության կողմից պետբյուջեի միջոցներով իրականացվում են աջակցության մի շարք ծրագրեր, այդ թվում՝ գյուղատնտեսական ոլորտին տրամադրվող վարկերին վերաբերող և սուբսիդավորմանն առնչվող ծրագրեր, որոնք միտված են անասնաբուծության խթանմանը։ Բացի դրանից, իրականացվում են թիրախավորված տոհմային անասնաբուծությանը վերաբերող զարգացման ծրագրեր, ինչպես նաև՝ ագրովերամշակման ոլորտին տրամադրվող սարքավորումների ֆինանսական վարձակալության կամ լիզինգի ծրագիրը, որոնք նպաստում են ոչ միայն ճյուղի կայացմանը, այլև գործիքների արդյունավետ օգտագործմանը»,- ասաց նա։