ԵՐԵՎԱՆ, 18 մայիսի – Sputnik. Ռուսաստանի դահուկավազքի ֆեդերացիայի նախագահ Ելենա Վյալբեն ասել է, որ հնարավոր է` Ռուսաստանի հավաքականն ուսումնամարզական հավաք անցկացնի Հայաստանում:
«Մենք թիմեր ունենք, որոնք մայիսին գնացել, ձյան վրա են պարապել։ Հիմա ոչ բոլորն են ձյան վրա անցկացնում ուսումնամարզական հավաքները, քանի որ նման հնարավորություն չկա։ Բայց համավարակը մեզ արդեն կոփել է, մենք գիտենք՝ ինչպես պարապենք Ռուսաստանում՝ կախված տարվա եղանակից։ Չեմ կարծում, որ արտասովոր բան կլինի։ Մեզ անհանգստացնում է, որ մեր երկրում մեզ պետք եկած բարձրության վրա բազաներ չկան։ Այդ պատճառով հուլիսի վերջ-օգոստոսի սկզբին կմեկնեմ Երևան, կտեսնեմ՝ ինչ հնարավորություններ կան այնտեղ։ Չինաստանը մեզ գրկաբաց հրավիրում է, բայց այնտեղ էլ 21 օր կարանտին է, այնպես որ, դա հնարավոր չէ»,- ասել է Վյալբեն ասուլիսում։
Ինչ վերաբերում է Սոչիի դահուկավազքի համալիրին, ապա Վյալբեն ասել է, որ այն շատ ցածր է` 1500 մետր, այդ պատճառով հարմար չէ: