ԵՐԵՎԱՆ, 18 մայիսի – Sputnik. ՀԱՊԿ-ի մանդատը Ուկրաինայում հատուկ գործողությունների ընթացքում կազմակերպության կոլեկտիվ ուժերի կիրառման հնարավորություն չի նախատեսում։ Այս մասին ՌԻԱ Նովոստիին է հայտնել ՌԴ ԱԳՆ-ի աղբյուրը։
«Դա մեր տարածքը չէ։ ՀԱՊԿ կանոններն այդ տարածքներում միջոցների կիրառում չեն նախատեսում։ Խաղաղապահ ուժերը գործում են միայն մանդատի շրջանակում»,- ասել է գործակալության զրուցակիցը։
Ավելի վաղ ՀԱՊԿ գլխավոր քարտուղար Ստանիսլավ Զասը հայտարարել է, որ կազմակերպության հոբելյանական գագաթնաժողովին Ուկրաինայում հատուկ գործողություններին հավաքական ուժերի հնարավոր ներգրավման մասին հարց «չի դրվել և չի քննարկվել»։
Հիշեցնենք, որ ՀԱՊԿ երկրների ղեկավարները Մոսկվայում կայացած գագաթնաժողովում համատեղ հայտարարություն են ընդունել Հավաքական անվտանգության պայմանագրի 30-ամյակի և կազմակերպության 20-ամյակի կապակցությամբ: