ԵՐԵՎԱՆ, 16 մայիսի – Sputnik. ՀՀ ոստիկանությունը փակել է Հանրապետության հրապարակ տանող խաչմերուկներից մեկը։
Այսօր վաղ առավոտից նախատեսված անհնազանդության ակցիաները ժամը 08։00-ից մեկնարկել են Երևան մտնող հիմնական մայրուղիներից` Աշտարակի, Արգավանդի, Արտաշատի, Սևանի և Արինբերդի ավտոճանապարհներից։
Ընդդիմության ավտոերթերից մեկը հասել է Ամիրյան–Զաքյան խաչմերուկ և փորձում է ճանապարհը շարունակել դեպի մայրաքաղաքի գլխավոր հրապարակ։ Ոստիկանական մեքենաները թույլ չեն տալիս։
Ավտոերթի մասնակիցները իրենց երթը շարունակեցին Զաքյան փողոցով։
Մյուս ավտոերթի մասնակիցներն էլ հասել են Կորյունի փողոց, որտեղ կուտակված են ոստիկանական տարբեր ստորաբաժանումների ծառայողներ։ Վերջիններս փակել են բողոքի ակցիա իրականացնողների ճանապարհը և բերման են ենթարկում նրանց։
Հիշեցնենք` Հայաստանում բողոքի ալիք բարձրացավ ՀՀ վարչապետ Նիկոլ Փաշինյանի` Արցախի վերաբերյալ հայտարարությունից հետո։ Ապրիլի 13-ին խորհրդարանում նա ափսոսանք հայտնեց, որ 2018-2019 թվականներին ժողովրդին չի ասել, որ «մեր բոլոր հեռու և մոտիկ բարեկամները մեզնից ակնկալում են, որ մենք այս կամ այն կոնֆիգուրացիայով Ադրբեջանին հանձնենք 7 հայտնի շրջանները և իջեցնենք Արցախի կարգավիճակի համար մեր սահմանած նշաձողը»։
Ապրիլի 22-ին ԱԺ փոխխոսնակ, «Հայաստան» խմբակցության անդամ Իշխան Սաղաթելյանը հայտարարեց վարչապետ Նիկոլ Փաշինյանին և նրա թիմին իշխանությունից հեռացնելու փողոցային պայքարի մեկնարկի մասին։
Մայիսի 1-ին Երևանի Ֆրանսիայի հրապարակում մեկնարկեց ընդդիմության բազմահազարանոց հանրահավաքը։ Մասնակիցները վրաններ ու բարիկադներ տեղադրեցին, Իշխան Սաղաթելյանը հայտարարեց, որ մայիսի 2-ից սկսում են անհնազանդության ակցիաներ՝ փակելով փողոցները։
Մայիսի 2-ից սկսած` ամեն օր Երևանում կազմակերպվում են