Լուսինը լիակատար խավարման ժամանակ երկնքում երևում է կարմիր սկավառակի տեսքով, այդ պատճառով կոչվում է «Արյունոտ լուսին»։ Բայց այս տարի այն առավելագույն չափով մոտեցել է Երկրին, ինչի պատճառով ավելի մեծ է թվում, քան սովորաբար, ու հենց դրա համար էլ ստացել է «Արյունոտ գերլուսին» անվանումը։
Աստղագետները և մյուս բոլոր ցանկացողները անցած գիշեր վայելել են հենց այդ արտասովոր տեսարանը՝ երկնքում «արյունոտ» գերլուսին էր հայտնվել:
Երկուշաբթի օրը՝ ժամը 03:30-ից քիչ անց մեր մոլորակը մի քանի րոպեով գտնվում էր Արեգակի և Լուսնի միջև։
Եվրոպայում խավարումը համեմատաբար կարճ է տևել, բայց Հյուսիսային ու Հարավային Ամերիկաների որոշ շրջաններում պատկերը տպավորիչ է եղել։