ԵՐԵՎԱՆ, 16 մայիսի – Sputnik. Այսօր իրենց մասնագիտական պարտականությունները կատարելիս բռնության են ենթարկվել շտապօգնության աշխատակիցները։ Տեղեկությունը հայտնում է Երևանի քաղաքապետի տեղակալ Գևորգ Սիմոնյանը։
Նա ֆեյսբուքյան իր էջում գրել է, որ նախնական տեղեկություններով՝ բռնության են ենթարկվել շտապօգնության բժիշկը և վարորդը։
Սիմոնյանը վստահեցրել է` հետևողական են լինելու, որ դեպքն արժանանա համապատասխան քրեաիրավական գնահատականի: