ԵՐԵՎԱՆ, 15 մայիսի – Sputnik. Բռնցքամարտիկ Գուրգեն Հովհաննիսյանը իր 3-րդ անընդմեջ հաղթանակն է տարել պրոֆեսիոնալ ռինգում։ Նա նոր տեսանյութեր է հրապարակել ինստագրամի իր էջում ու հայտնել հաղթանակի մասին։
Ամերիկայի Միացյալ Նահանգներում կայացած պրոֆեսիոնալ բռնցքամարտի երեկոյի ընթացքում 24-ամյա Հովհաննիսյանը մենամարտել է ամերիկացի Ջեսս Բրայնի հետ և երկրորդ ռաունդում նոկաուտի է ենթարկել մրցակցին։
Հովհաննիսյանը նախորդ 2 մենամարտերում ևս հաղթանակ էր տարել։ Հիշեցնենք, որ վերջին մենամարտն անցկացրել էր դեկտեմբերի 11-ին։