Նոր չվերթ. ղազախական ավիաընկերությունը Ալմաթի-Երևան թռիչքներ կիրականացնի

ԵՐԵՎԱՆ, 13 մայիսի – Sputnik. Ղազախական «FlyArystan» ավիաընկերությունը Ալմաթի-Երևան թռիչքներ կիրականացնի։ Տեղեկությունը հայտնում է Ղազախստանում ՀՀ դեսպանությունը։

Ըստ հաղորդագրության` դեպի Երևան և հակառակ ուղղությամբ թռիչքները կիրականացվեն շաբաթական երկու անգամ` երկուշաբթի և հինգշաբթի:

Չվերթերը կմեկնարկեն հունիսի 2-ին և կիրականացվեն «Airbus A320» ինքնաթիռներով: