ԵՐԵՎԱՆ, 12 մայիսի – Sputnik. Թուրքիայի Մանիսա քաղաքում խոշոր ավտովթար է տեղի ունեցել. բախվել են ավտոբուսն ու բեռնատարը, արդյւոնքում մեկ մարդ զոհվել է, 29-ը՝ տուժել։ Տեղեկությունը հայտնում է Anadolu գործակալությունը։
Նշվում է, որ ավտոբուսը Թուրգութլուից աշխատողներին տեղափոխում էր Մանիսայի Կազմակերպված արդյունաբերական գոտու գործարան։
Ճանապարհին ավտոբուսը մխրճվել է երկաթե պրոֆիլներով բեռնված բեռնատարի մեջ։
Դեպքի վայրում են շտապօգնության աշխատակիցները։