ԵՐԵՎԱՆ, 10 մայիսի – Sputnik. Այսօր ժամը 13:18-ին Կոտայքի մարզի Քանաքեռավան գյուղից Կորեայի ձոր տանող հատվածում՝ կամրջի մոտ, տեղի է ունեցել հողաշերտի փլվածք:
ԱԻՆ-ից հայտնում են, որ հողաշերտը լցվել է Հրազդան գետը, ինչի հետևանքով գետը հունից դուրս է եկել` ճանապարհը դարձնելով միակողմանի երթևեկելի:
Հիշեցնենք, որ ձմռանն էլ Կորեայի ձոր տանող ավտոճանապարհին քարաթափում էր տեղի ունեցել, բայց դեպի Զովունի գյուղ տանող հատվածում։
Մոտ 6 խմ քարաթափման հետևանքով ավտոճանապարհը տևական ժամանակ միակողմանի փակ էր։