Օդերևութաբանները հաճելի օրեր չեն խոստանում. եղանակի տեսություն

ԵՐԵՎԱՆ, 8 մայիսի - Sputnik. Հայաստանի Հանրապետության տարածքում մայիսի 8-10-ը, 11-ի ցերեկը, 12-ին ժամանակ առ ժամանակ շրջանների զգալի մասում սպասվում է անձրև և ամպրոպ: Մինչև մայիսի 12-ն առանձին հատվածներում հնարավոր է կարկուտ: Տեղեկությունը հայտնում է ՀՀ ԱԻՆ մամուլի ծառայությունը։

Հաղորդագրության համաձայն` մայիսի 11-ի գիշերը սպասվում է առանց տեղումների եղանակ:

Քամին կլինի հարավարևելյան՝ 3-6 մ/վ արագությամբ, ամպրոպի ժամանակ սպասվում է քամու ուժգնացում՝ 15-20 մ/վ արագությամբ:

Օդի ջերմաստիճանն էապես չի փոխվի:

Մայրաքաղաք Երևանում նույնպես մայիսի 8-12-ը ժամանակ առ ժամանակ սպասվում է անձրև և ամպրոպ: Ամպրոպի ժամանակ քամու ուժգնացում՝ 15-18 մ/վ:

Մայիսի 11-ի գիշերը սպասվում է առանց տեղումների եղանակ:

Ջերմաստիճանն այսօր ցերեկային ժամերին կտատանվի +17..+19–ի, գիշերը` +8...+10–ի միջակայքում։