ԵՐԵՎԱՆ, 6 մայիսի – Sputnik. Բուչայում սադրանքների հետ կապված պատմությունը մանրամասն քննարկվել է, դրանց մասնակիցների մասին տվյալները որոշ ժամանակ անց կհրապարակվեն։ Այս մասին այսօր լրագրողներին հայտնել Է ՌԴ նախագահի մամուլի քարտուղար Դմիտրի Պեսկովը։
Ավելի վաղ Բելառուսի նախագահ Ալեքսանդր Լուկաշենկոն Associated Press-ին տված հարցազրույցում հայտարարել է, որ Մեծ Բրիտանիայի քաղաքացիները Բուչայում նկարահանումներ են իրականացրել, որից հետո «ինֆորմացիան» լրատվական դաշտ են նետել։
«Բնականաբար, այդ թեման քննարկվել է։ Բավական մանրամասն փաստարկված ցույց է տրված, որ դա բացարձակ հատուկ բեմադրված գեղարվեստական տեսարան է»,–ասել է Պեսկովը։
Նա հավելել է` տեղեկությունն այն մասին, թե ով է դա արել, կհայտնեն իր ժամանակին։
Հիշեցնենք` Ուկրաինայի իշխանություններն ու ԶԼՄ–ները տեսագրություն էին տարածել, որն իբր նկարահանվել է Կիևի մարզի Բուչա քաղաքում։ Կադրերում երևում է, որ ճանապարհին մարմիններ են ընկած։ Օգտատերերը ուշադրություն են դարձրել, որ «դիերը» շարժում են ձեռքերն ու թաքցնում վերջույթները՝ ռազմական տեխնիկայի անիվների տակ չմնալու համար։ Օպերատորի մեքենայի հայելիում կարելի է նկատել, թե ինչպես է «զոհվածներից» մեկը վեր կենում, երբ մեքենան անցնում է։
Կիևը խաղաղ բնակիչների մահվան մեջ մեղադրում է Ռուսաստանի զինվորականներին։ ԵՄ-ն սպառնում է նոր պատժամիջոցներով։ ՌԴ ՊՆ-ն հայտարարել է, որ բոլոր լուսանկարներն ու տեսանյութերն Ուկրաինայի իշխանությունների սադրանքն են:
Ինչպես նշել են ռազմական գերատեսչությունում, այն ժամանակ, երբ քաղաքը եղել է ՌԴ զինված ուժերի վերահսկողության տակ, տեղի բնակիչներից ոչ մեկը չի տուժել բռնի գործողություններից: Նախարարությունում հայտնել են, որ ՌԴ բոլոր ստորաբաժանումները Բուչայից դուրս են եկել դեռևս մարտի 30-ին ՝ Ստամբուլում ռուս-ուկրաինական բանակցությունների հաջորդ օրը: