«Առանց Նիկոլ Հայաստան», «Նիկոլ, վարչապետ». ԱԺ-ում կրքերը բորբոքվեցին, նիստն ընդմիջվեց

ԵՐԵՎԱՆ, 4 մայիսի – Sputnik. Ընդդիմությունը բոյկոտեց ԱԺ նիստը և լքեց նիստերի դահլիճը։ Երբ «Հայաստան» խմբակցության պատգամավոր Արմեն Ռուստամյանը հարց էր ուղղել վարչապետ Նիկոլ Փաշինյանին, վերջինի պատասխանը, ըստ ամենայնի, չգոհացրեց ընդդիմությանը, և նրանք դուրս եկան դալիճից։

Վարչապետի այս ասածին իշխանական պատգամավորներն արձագանքեցին` բացականչելով «Բրավո՜»։

Դրանից հետո պատգամավորները ոտքի կանգնեցին ու սկսեցին ծափահարել։

Մինչ «Առանց Նիկոլ Հայաստան» վանկարկումներով ընդդիմադիրները լքում էին ԱԺ նիստերի դահլիճը, «Նիկոլ, վարչապետ» վանկարկում էին իշխանական որոշ պատգամավորներ։

ԱԺ նախագահ Ալեն Սիմոնյանն ընդմիջում հայտարարեց, որպեսզի իրավիճակը կարգավորվի։

Հիշեցնենք` Հայաստանում բողոքի նոր ալիք բարձրացավ ՀՀ վարչապետ Նիկոլ Փաշինյանի` Արցախի վերաբերյալ հայտարարությունից հետո։ Ապրիլի 13-ին խորհրդարանում նա ափսոսանք հայտնեց, որ 2018-2019 թվականներին ժողովրդին չի ասել, որ «մեր բոլոր հեռու և մոտիկ բարեկամները մեզնից ակնկալում են, որ մենք այս կամ այն կոնֆիգուրացիայով Ադրբեջանին հանձնենք 7 հայտնի շրջանները և իջեցնենք Արցախի կարգավիճակի համար մեր սահմանած նշաձողը»։

Ապրիլի 22-ին ԱԺ փոխխոսնակ, «Հայաստան» խմբակցության անդամ Իշխան Սաղաթելյանը հայտարարեց վարչապետ Նիկոլ Փաշինյանին և նրա թիմին իշխանությունից հեռացնելու փողոցային պայքարի մեկնարկի մասին։

Մայիսի 1-ին Երևանի Ֆրանսիայի հրապարակում մեկնարկեց ընդդիմության բազմահազարանոց հանրահավաքը։ Մասնակիցները վրաններ ու բարիկադներ տեղադրեցին, Իշխան Սաղաթելյանը հայտարարեց, որ մայիսի 2-ից սկսում են անհնազանդության ակցիաներ՝ փակելով փողոցները։

Մայիսի 3-ին փակվեցին նաև միջմարզային մի քանի ճանապարհներ։

Մայիսի 4-ի առավոտյան անհնազանդության ակցիաները վերսկսվեցին։