ԵՐԵՎԱՆ, 25 ապրիլի – Sputnik. Այսօր մի խումբ ուսանողներ ակցիա են իրականացրել` ի պաշտպանություն Արցախի անկախության։ Նրանք շրջել են Երևանում և Արցախի դրոշի պատկերով կպչուն պիտակներ փակցրել քանդակների վրա։ Արցախի դրոշով են «պատվել» «Տղամարդիկ» արձանախումբն ու Առնո Բաբաջանյանի արձանը։
Երիտասարդները կառավարության երրորդ շենքի դիմաց գտնվող «Անվախ աղջկա արձանի» ուսերին Արցախի դրոշն են գցել։
Նրանք նաև «Defend Artsakh» («Պաշտպանի՛ր Արցախը») են գրել երևանյան փողոցների անցումների մոտ։
Հիշեցնենք, որ ընդդիմադիրներն ապրիլի 12-ին բոյկոտեցին ԱԺ նիստը և դուրս եկան խորհրդարանի նիստերի դահլիճից։ Մինչ այդ նրանք Արցախի դրոշն էին տեղադրել ԱԺ դահլիճում։ Դրանից հետո ընդդիմությունն արշավ սկսեց` Արցախի դրոշը տեղադրելով ՀՀ տարբեր մարզերում և քաղաքներում։