Արտաքին առևտուրն աճել է, արտահանումը` նվազել. Քերոբյանը նոր ցուցանիշներ է ներկայացրել

ԵՐԵՎԱՆ, 25 ապրիլի – Sputnik. ՀՀ վիճակագրական կոմիտեն ամփոփել է 2022թ. առաջին եռամսյակի հիմնական մակրոտնտեսական ցուցանիշները։

Հրապարակված վերլուծության համաձայն` տնտեսական ակտիվության ցուցանիշը 2022թ–ի հունվար–մարտ ժամանակահատվածում աճել է 9.6%–ով, իսկ 2021թ–ի մարտ ամսվա համեմատ, այս տարվա մարտի դրությամբ, 6.7%–ով։

Ընթացիկ տարվա եռամսյա գնաճը կազմել է 7.8%։

Արդյունաբերության աճը կազմել է 3.1, շինարարության աճը` 6.2, առևտրինը` 7.6%։ Տնտեսության ճյուղերից ամենամեծ աճը գրանցել է ծառայությունների ոլորտը` 22.2%–անոց աճ։ Իսկ գյուղատնտեսությունը, հակառակը, 5.4% անկում է ապրել։

Բավական մեծ աճ է գրանցվել նաև արտաքին առևտրաշրջանառության ոլորտում` կազմելով 38.5%։ Ընդ որում` հիմնականում ներմուծման հաշվին։ 2022թ–ի առաջին եռամսյակում ներմուծման ծավալն աճել է 45.6%–ով, իսկ արտահանման ծավալը` 26.9–ով։

Նշենք, որ անցյալ տարվա մարտի համեմատ այս տարվա մարտին արտահանման աճը կազմել է 4%, ներմուծմանը` 22.5։

Ի դեպ, այս ցուցանիշներին անդրադարձել է նաև ՀՀ էկոնոմիկայի նախարար Վահան Քերոբյանը։

Թե որքանով է այն վերականգնվել, Քերոբյանը չի մանրամասնում։ Իսկ ապրիլի ընթացիկ վիճակագրությունը դեռ չի հրապարակվել։