Արթուր Դալալոյանը ոսկի է նվաճել Իտալիայի ակումբային առաջնությունում

ԵՐԵՎԱՆ, 24 ապրիլի – Sputnik. Ռուսաստանցի մարմնամարզիկ Արթուր Դալալոյանը հենացատկ վարժությունում Իտալիայի ակումբային առաջնության ոսկի է նվաճել։ Տեղեկությունը հայտնում է RT–ն։

Նշվում է, որ օլիմպիական չեմպիոն, Romagna Team ակումբի կազմում հանդես եկող Դալալոյանը մրցավարներից 14,800 միավոր է ստացել։

Արծաթե մեդալի է արժանացել Նիկոլա Բարտոլինին Pro Patria Bustese–ից (14,700), բրոնզե մեդալի` Մենդոսա Վարան Ares–ից (14,600)։

Romagna Team-ը դուրս է եկել իտալական A Սերիայի եզրափակիչ:

Նշվում է, որ իտալական ակումբները չեն հրաժարվել ռուսաստանցի մարզիկների հետ համագործակցությունից` ի տարբերություն գերմանական թիմերի, որոնք դադարել են ռուսաստանցի մարմնամարզիկներին հրավիրել իրենց մրցումներին։

Ապրիլի 15-ին Դալալոյանը Ռուսաստանի չեմպիոն էր դարձել անհատական բազմամարտում։